Atsogoleri a ndale omwe akufuna kukhala Mamembala a Nyumba ya Malamulo m’chigawo cha Lilongwe Bwaila asumila candidate wa MCP yemwe ndi Precious Kabambe kwa apolisi ndi a Malawi Electoral Commission, powaganizira kuti ndi amene akukhudzidwa pa kuwonongedwa, kuchotsedwa kwa ma billboard ndi mbendera za opikisana nawo.
Lero apolisi a ku Chinsapo, oyang’anira a NICE ndi a MEC ayitana Kabambe atalandira madandaulo ochokera ku UTM, DPP ndi wina yemwe akuyimira paokha.
Potsimikizira izi, Wachiwiri kwa Purezidenti wa UTM m’chigawo chapakati, Hellen Chabunya, anati apolisi akuti kafukufuku ali mkati.
Chabunya ananenanso kuti nkhaniyi ayipititsa ku polisi yaku Area 3 kuti achitepo kanthu komanso ku MEC kudzera mu komiti yolumikiza zipani zosiyanasiyana.
Malinga ndi Chabunya, anthu omwe ali ndi khalidwe ngati la Kabambe sayenera kufika pafupi ndi kuvota kapena utsogoleri.
“Ndizosautsa kuti tili ndi anthu oterewa m’nthawi ya demokalase. Zomwe akuganiziridwa kuchita a MCP Precious Kabambe zitha kuyambitsa chisokonezo, koma ngati UTM sitingabwelele mmbuyo.
Malinga ndi malipoti, msonkhanowo unali wokwiya kwambiri moti Kabambe anathamangitsidwa chifukwa cha kunyada kwake ponena kuti “sangakhudzidwe” chifukwa ndi *katundu wa boma*, ndipo iyi si nthawi yoyamba kuti Precious Kabambe akhudzidwe ndi milandu, chifukwa milandu ina yake ikupitiriza kufufuzidwa.
Kanema akuwonetsa Precious Kabambe, woyimira MCP, akutetezedwa ndi khamu la anthu okwiya.
